Душанбе шаардык соту «Жеткиликтүү турак-жай» курулуш компаниясынын мурдагы башчысы Нурулло Наимовду 21 жылга эркинен ажыратты. Мындан тышкары анын беш өнөктөшү сегиз жылдан 16 жылга чейинки мөөнөттөргө соттолушту.
Буга чейин прокурор Наимовду 22 жылга кесүүнү өтүнгөн. Ал үлүшчүлөрдүн акчасын өзүнө алып алган деп айыпталууда.
Өкүмгө ылайык, курулуш компаниясынын мурдагы башчысынын мүлкү мамлекеттин пайдасына конфискацияланат. Үлүшчүлөрдүн акчасын алып берүү милдети сот аткаруучуларга жүктөлдү.
Азырынча соттолуучулардын адвокаттары өкүм боюнча жогорку баскычтагы сотко кайрылар-кайрылбасы белгисиз.
Google Play
App Store