Москва шаарында Жогорку Кеңештин бир катар депутаттары Россия Федерациясынын Федералдык Жыйынынын Мамлекеттик Думасынын депутаттары менен жолугушту.
Жолугушуу Кыргызстандын Россия Федерациясындагы жана Россия Федерациясынын Кыргызстандагы Эриш-аркак жылынын ачылыш аземине барган Президент Сооронбай Жээнбековдун иш сапарынын алкагында уюштурулган. Тараптар Кыргызстан менен Россиянын стратегиялык өнөктөштүгүн өөрчүтүү жана Эриш-аркак жылынын алкагында бир катар маданий-гуманитардык иш-чараларды биргелешип өткөрүү маселелерин талкуулашты. Эл өкүлдөрү эки өлкө ортосундагы байланыштарды чыңдоодо парламенттик дипломатиянын жана кызматташтыктын маанилүүлүгүн баса белгилешип, Улуу Ата-Мекендик согуштагы Жеңиштин 75 жылдыгын уюштуруу тууралуу ойлору менен бөлүштү.
Google Play
App Store