Бишкек шаарынын Биринчи май райондук сотунда Сапар Исаков жана Мира Карыбаевага карата кылмыш иши каралып, 4 кошумча күбө суракка алынды. Башка кошумча күбөлөрдүн келбегендигине байланыштуу, соттук териштирүү 10-мартка жылдырылды.
Эскерте кетсек, Мамлекеттик тарых музейинин реконструкциясы боюнча оор жагдайларды жараткан коррупция беренеси менен мурдагы премьер-министр Сапар Исаков менен президенттик аппараттын мурдагы бөлүм башчысы Мира Карыбаева айыпталып жатышат.
Жалпысынан улуттук музейди реконструкциялоодо мамлекеттке 101,6 миллион сом зыян келгени аныкталган.
Рахат Кыдыртоктоева, "Биринчи радио"
Google Play
App Store