Прокурордун ага жардамчысы пара алып жаткан жеринен колго түштү. Бул тууралуу Улуттук коопсуздук боюнча мамлекеттик комитетинин басма сөз кызматы билдирди. Маалыматка ылайык, 22-майда УКМКнын Коррупцияга каршы кызматы тарабынан Башкы прокуратуранын өздүк коопсуздук жана кызматтык териштирүү бөлүмү менен бирге жүргүзгөн ыкчам издөө иш-чараларынын алкагында 150 миң сом пара алып жаткан учурунда Ысык-Көл облусуна караштуу Жети-Өгүз районунун прокурорунун ага жардамчысы кармалды.
Алдын ала маалыматка караганда, прокурордун ага жардамчысы арыздануучунун уулуна карата козголгон кылмыш иши боюнча жеңилдетилген чечим чыгаруу үчүн маселени оң тарабына чечүү максатында арыздануучудан 2 миң доллар акча талап кылган. Сотко чейинки өндүрүштүк материалдар Кылмыш-жаза кодексинин "Пара талап кылуу" беренеси боюнча Кылмыштардын жана жоруктардын бирдиктүү реестрине катталды. Кармалган адам УКМКнын убактылуу кармоочу жайына киргизилип, тергөө иштери жүрүп жатат.
Google Play
App Store