Япониянын борбору Токио шаарында өтүүчү XXXII жайкы олимпиада оюндары 2021-жылы өткөрүлбөсө, токтотулушу мүмкүн. Бул тууралуу Эл аралык олимпиада комитетинин башчысы Томас Бах билдирди.
«Мен муну жакшы түшүнөм. Анткени биз дайыма бир нече миң адамды уюштуруу комитетине жалдай албайбыз. Жыл сайын дүйнө жүзүндөгү бардык ири федерацияларда спорттук календарды кайра карап чыга албайбыз. Спортчуларга ишеним керек»,- деди Эл аралык олимпиада комитетинин башчысы Томас Бах.
Ал эми «Токио-2020» олимпиадасынын уюштуруу комитетинин төрагасы Ёсиро Мори 2021-жылга чейин коронавирустук пандемия токтобосо, олимпиада токтотуларын билдирген. Эскерте кетсек, быйыл Токиодо өтүүчү олимпиада оюндары коронавирус пандемиясынан улам 2021-жылдын 23-июлунан 8-августуна чейин өткөрүү пландалган.
Google Play
App Store