Улуттук коопсуздук боюнча мамлекеттик комитет «Хизбут-Тахрир» диний-экстремисттик уюмунун мүчөсү катары шектелип 35 жаштагы жаран кармалганын маалымдады. Атайын кызмат тараткан маалыматка ылайык, шектүү Бишкек шаарында экстремисттик идеологияны активдүү жайылтып, уюмдун катарына жаңы мүчөлөрдү тартуу иштери менен алектенген.
КМШга кирген мамлекеттердин биринде оор кылмышка шектелип, издөөдө жүргөн. Учурда шектүү УКМКнын тергөө абагына камалып, иликтөө иштери жүрүп жатат.
Кыргызстан жыйырмага жакын уюмду деструктивдүү, экстремисттик жана террористтик уюм деп таанып, алардын ишмердигине тыюу салганы мурда маалымдалган. Алардын катарында «Хизбут-Тахрир» уюму да бар. Бул уюм соттун чечими менен диний-экстремисттик уюм деп 2003-жылы таанылган жана анын өлкө аймагында иш жүргүзүшүнө тыюу салынган.
Google Play
App Store