Ысык-Көл облусунда аймактар жана райондор аралык каттамдарга уруксат берилди. Мындай чечим, облустук ыкчам штабдын отурумунда кабыл алынды. Өкмөттүн Ысык-Көл облусундагы ыйгарым укуктуу өкүлү Балбак Түлөбаевдин айтымында, уруксат берүү менен бирге айдоочуларга жана жүргүнчүлөрдү ташуу менен алектенген компания ээлерине жоопкерчилик жүктөлөт.
“Райондор жана региондор аралык жүргүнчүлөрдү ташууга уруксат берилет. Бирок бет кап тагынуу режимин, санитардык нормаларды сактабаса мыйзам чегинде катуу чаралар көрүлөт”, - деп баса белгиледи Түлөбаев.
Ошондой Ысык-Көл облусунун кире беришинде жайгашкан Ак-Кеме жана Кызыл-Омпол санитардык-карантиндик посттору алынганы айтылды. Санитардык-карантиндик посттордо иштеп жаткан медиктер жана мамлекеттик, муниципалдык кызматкерлер өз ордунда иш алып барышы керек. Алар буга чейин кезек менен посттордо нөөмөттө туруп келишкен. «Эгер постторду иштетүүгө муктаждык болсо, бизде тиешелүү алгоритм бар”, — дейт Түлөбаев.
Google Play
App Store