Екатеринбургдан Ошко чартердик каттам менен 163 кыргызстандык учуп келди. Алардын арасында жаш балдар да бар. Бул тууралуу ТИМдин басма сөз кызматы билдирди.
Каттам дүйнөдөгү коронавирус инфекциясынын пандемиясынын айылышынан чек аралар убактылуу жабылышынан жана эл аралык жүргүнчү ташуу авиабилдирүүлөрүнүн токтошунан улам чет өлкөдөгү Кыргызстандын жарандарын кайтаруу боюнча жүргүзүлгөн иштин алкагында Президенттин жана Өкмөттүн тапшырмасын аткаруу үчүн Россия менен Кыргызстандын тышкы саясий ведомстволорунун жетишилген макулдашууларын ишке ашыруунун алкагында ишке ашырылган.
Бул каттам менен Ошко Кыргыз Республикасына кайтууга курч муктаждыгы бар жарандар Екатеринбург, Челябинск, Тюмен, Сургут, Магнитогорск, Салехард, Ханты-Мансийск, Жаңы Уренгой, Надым, Курган жана Пермден кайтып келишти. Чет мамлекеттерде жүргөн жана мекенине кайтып келүүнү каалаган Кыргыз Республикасынын жарандарын кайтаруу боюнча иштер уланууда.
Google Play
App Store