Баңгизаттарды ташуу менен алектенген каналга бөгөт коюлду. Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматынын Бишкек шаары боюнча башкармалыгы тарабынан Жалал-Абад облусунунан Бишкекке ири өлчөмдөгү баңги заттарын ташып киргизүү жана атайын жабдууланган цехте өстүрүү менен алектенген канал аныкталган. Бул тууралуу Ички иштер министрлигинин басма сөз кызматы билдирди.
Атайын тергөө иш-аракеттеринин натыйжасында кызматтын Бишкек шаары боюнча кызматкерлери тарабынан Жалал-Абад облусунун Токтогул районунда жайгашкан үйлөрдүн биринде кара куурай жыттанган кочкул-жашыл түстөгү каражаттар марихуана жана баңгизатты даярдоочу шаймандар табылып алынган. Мыйзамсыз жүгүртүүдөн 4 кг 673 грамм гашиш жана 690 грамм марихуана алынган. Аталган факт боюнча сотко чейинки өндүрүш иштери башталып, кылмышка тиешеси бар башка жактарды аныктоо боюнча атайын тергөө аракеттери уланууда.
Google Play
App Store