Акыркы сутка ичинде Кыргызстанда 19 өрт кырсыгы катталды. Бул тууралуу 21-августта ӨКМдин басма сөз кызматы билдирди.
Бишкек шаарында жана Нарын облусунда ар биринен 1 өрт, Жалал-Абад облусунан 7 өрт, Чүй облусунан 4 өрт, Ош, Талас жана Баткен облустарынан 2 өрт катталды.
Бишкекте, Кара-Жыгач конушунда, 600 чарчы метр аянттагы куураган чөп күйүп кетти.
Аламүдүн районунун Байтик айылында көрүстөндүн аймагында куураган чөп күйүп кетти. Күйүүнүн аянты 5 гектарды түздү.
Ош шаарында Daewoo Matiz унаасы толугу менен күйүп кетти.
Сузак районунун Сузак айылында эки кабаттуу сарайдын чатыры күйүп кетти. Күйүү аянты - 108 чарчы метр. Жалгыз-Жаңгак айылында 40 чарчы метр аянттагы ашкананын чатырын өрт кырсыгына кабылды.
Учурда окуянын чоо-жайы такталуда.
Google Play
App Store