Кыргызстандын Эгемендүүлүгүнө карата Москва шаарындагы мекендештер кемеде концерт уюштурду. Москва дарыясынын жээгинде кыргыз кайрыктары менен комуз үнү жаңырды.
Өз өлкөсүнөн алыс жүргөн ар бир мекендешибиздин ой-санаасы, тилеги туулган жери Кыргызстан менен байланыштуу. “Ийгилик” аталышындагы кемеде чыныгы кыргыз жыттанган майрамдык маанай орноду. Маданият ишмерлери мекенине болгон сүйүүсүн, улуттук бийлер, ырлар жана күүлөр менен чагылдырып берди.
Бул жерде 7 дубандын өкүлдөрү чогулган. Ар биринин башынан мигранттын жеңил эмес тагдыры өткөн. Ар кандай кыйынчылыктарга карабастан, алар сүйүктүү ишин таштап салбай, улуттук нарк-насил, салт-санаа менен маданиятын бөтөн жерде унутта калтырбай келет.
Google Play
App Store