Өзбекстан төрт мамлекет менен чектешкен чек ара бекеттерин убактылуу жапты. Маалыматтар боюнча, өзбек тарап Кыргызстан, Тажикстан, Казакстан жана Түркмөнстан өлкөлөрүнөн жарандардын, унаа транспортторунун жана жүктүн кирүүсүн токтотту.
Чек ара 15-июндан 25-июнга чейин жабылат. Маалыматтар боюнча, 23-24-июнь күндөрү Ташкентте Шанхай кызматташтык уюмунун юбилейлик саммити өтөт.
Өзбек массалык маалымат каражаттары билдиргендей, ШКУ лидерлеринин жолугушуусу алдында коопсуздук чаралары күчөтүлдү.
Өлкөнүн чек ара кызматы билдиргендей, Ош облусунун Кара-Суу районунун Барак эксклавынын жашоочулары кыргыз-өзбек чек арасынан кадимки тартипте өтө беришет.
Google Play
App Store