Кыргызстандын Мамлекеттик санэпидкөзөмөл  борбору Орусияда жасалган сасык тумоого каршы "Гриппол плюс" вакцинасын алды. 

Дем алуу органдарынын курч кармоочу респиратордук түрүнө каршы эмдөө төмөнкү баскычтагы адамдарга акысыз жасалат:

-Жугуштуу оорулар бөлүмдөрүндө, тез медициналык жардам, реанимациялык бөлүмдөрдө, төрөт үйлөрүндө иштеген медицина кызматкерлерге жана Үй-бүлөлүк медициналык борбордун дарыгерлерине;

-Балдар үйүндөгү, интернаттагы балдарга жана кызматкерлерге, карылар үйү, мүмкүнчүлүгү чектелген адамдар жашаган үйлөрдүн кызматкерлерине , өпкө, жүрөк, боор өнөкөт оорулары бар,кант диабети, ашыкча салмак менен жабыркагандарга, көп ооруган балдарга, кош бойлуу аялдарга жана 65 жаштан жогору адамдарга акысыз берилет. 

Жарандар вакцинаны алыш үчүн каттоодо турган үй-бүлөлүк медициналык борборуна кайрыла алышат. 

Сасык тумоого каршы вакцинаны акы төлөп, жеке медициналык клиникалардан алса болот. Алар:" Малыш", "Гиппократ", "Эдельвейс", "Элкрит", "Кроха", "Поликлиника 312", пр.Асымбекованын клиникасында, ЦАДМИР, "Интермедикал" медклиникалары.

Эскерте кетсек, 16-сентябрдан тарта сасык тумоого каршы эмдөө иштери Бишкек жана Чүй облусунун жашоочуларына жасалууда.