Күрөш боюнча дүйнө чемпионаты Сербияда өтөт. Бул туурасында Бириккен күрөш уюму билдирди. Маалыматка ылайык, дүйнө биринчилиги 12-декабрдан 20-декабрга чейин Сербиянын Белград шаарында өткөрүлөт.
“UWWнин аткаруу комитети дүйнө чемпионатынын өткөрүлүшүн улуттук федерациялардын 70% дан ашыгынын уруксаатын алгандан кийин бекиткен. Бюро 6-ноябрда чогулуп, коронавирус пандемиясынын уланып жаткандыгына байланыштуу иш-чарага киргизилген өзгөртүүлөрдү жана анын катышууга тийгизген таасирин талкуулайт”-деп айтылат маалыматта.
Эскерте кетсек, буга чейин күрөш боюнча өтө турган өспүрүрмдөр арасындагы дүйнө биринчилиги жокко чыгарылган. Буга улуттук федерациялар турнирге катыша турган катышуучулардын санына тынчсыздануусу себеп болгон.
Google Play
App Store