24-октябрь күнү Абу-Даби шаарында UFC 254 турнири болуп өттү. Кеченин башкы беттешинде UFCнин жеңил салмак категориясындагы чемпиону Хабиб Нурмагомедов менен америкалык Джастин Гейтжи беттешти.
Жылдын эң күтүлгөн беттеши көпкө узабай 2-раундда эле жыйынтыкталды. Хабиб Нурмагомедов атаандашына үч бурчтук муунтуу ыкмасын жасап, титулун 3-ирээт коргоп калды. Беттештен кийин карьерасын жыйынтыктаганын айтып, дүйнөдөгү бардык күйөрмандарга жана UFC жетекчилигине ыраазычылыгын билдирди.
Хабиб Нурмагомедов карьерасында жалпы 29 беттеш өткөрүп, бардыгында тең жеңишке жеткен.
Google Play
App Store