25-октябрда Египеттин Шарм-эш-Шейх курортунда Украинанын жараны жана анын 12 жаштагы баласы акуланын кол салуусунан жабыркады. Бул тууралуу дүйшөмбү күнү, 26-октябрда Мамлекеттик туризмди өнүктүрүү агенттиги билдирди.

"Бала дагы деле реанимацияда, ага бир жолу операция жасалды, эртең экинчиси болот, жаракат алган колун сактап калууга мүмкүн болгон жок" деп айтылат билдирүүдө. Мейтуризмдин айтымында, туроператорлордун эскертүүлөрүнө жана тыюу салууларына карабастан, мейманкананын сыртындагы эс алуучулар жергиликтүү тургундардан экстремалдык турларды сатып алышат жана бул биринчи учур эмес.

"Алар үчүн өзүнчө камсыздандыруу полиси талап кылынарын билишпейт. Азыр Египеттин өкмөтү дарылоону өз колуна алды, бардык керектүү медициналык жардамдар көрсөтүлдү" деп айтылат билдирүүдө

Украинада чыккан KП басылмасы, окуя экскурсиялык яхталарды токтотууга тыюу салынган Рас Мохаммед коругундагы сүңгүү учурунда болгонун Turprofi туристтик агенттигине шилтеме берүү менен билдирди.

Апасы акула тиштеген жеринен терең жаракат алган. Бала чыканактан ылдый колунун бир бөлүгүн жоготту. Буга чейин экөөнө тең операция жасалган. Экскурсияны жүргүзгөн инструктор дагы жаракат алган.

Turprofi туристтер аквалангисттердин кызматын экскурсиялык яхталардан туроператордон же анын өнөктөштөрүнөн эмес, Синай курортторунда тыюу салынган үчүнчү жактардан сатып алышкан деп ырастоодо.