Билим берүү жана илим министрлиги 10 артыкчылыктуу кесиптер боюнча пилоттук билим берүү программаларын иштеп чыккан. Бул тууралуу аталган башкармалыктын басма сөз кызматы билдирди.

Анын айтымында, кесип ар бир регион боюнча эмгек рыногун изилдөөнүн негизинде тандалды. Апробация пилоттук кесиптик лицейлерде жүргүзүлөт.

Министрлик белгилегендей, программалардын өзгөчөлүктөрүнүн бири кредиттик тутумду пайдалануу болуп саналат, бул лицейдин бүтүрүүчүсүнүн орто жана жогорку кесиптик окуу жайларына тапшыруу учурунда окуу натыйжаларын таанууга мүмкүндүк берет.

Апробациянын жыйынтыгы боюнча, кесиптик лицейлерде кредиттик билим берүү тутумун андан ары колдонуу маселеси каралат. Программалар Азия Өнүктүрүү Банкы тарабынан каржыланган. Секторду өнүктүрүү программасы: Инклюзивдүү өсүү үчүн долбоордун алкагында иштелип чыккан.