Былтыркы жылга салыштырмалуу Кыргызстанда пневмониядан каза болгондордун саны 2,5 эсеге көбөйдү. Бул тууралуу Улуттук статистика комитетинен билдиришти. Саламаттык сактоонун оперативдүү маалыматтары боюнча, 2020-жылдын январь-сентябрь айларында 26 миң адам өпкө дартына чалдыкса, 2019-жылдын тиешелүү мезгилинде 24 миң киши ооруган.
Өпкөнүн сезгенүүсү өткөн жылдын январь-сентябрь айларына салыштырганда Бишкек шаарында жана Ысык-Көл облусунда - 1,9 эсеге, ошондой эле Чүй облусунда - 11,5 пайызга өскөнү белгиленди. Ушул эле убакыт аралыгында өлгөндөрдүн жалпы санынын ичинен жарымынан көбү кан айлануу системасынын ооруларына, 11 пайызы - шишик ооруларына жана дем алуу органдарынын ооруларына - 7 пайызы туура келди. Ал эми 2019-жылы пневмониядан 444 адам каза болгон, бул өлгөндөрдүн жалпы санынан алганда дем алуу органдарынын ооруларынан 33 пайызга жакынын түздү, ал эми 2020-жылдын январь-сентябрында алардын саны 1 112 адамды же 54 пайызды түздү.
Google Play
App Store