Чексиз арзандатуулар жаңы сатып алууну пландаштырбасак дагы, ар дайым акча коротууга аргасыз кылат. Ушул төрт адат чыгымдарды оптималдаштырууга, сарптоолор жөнүндө көбүрөөк ойлонууга жана келечек үчүн бекем каржылык пайдубал курууга жардам берет.

• Бардык чыгымдарды кароо

Адамдар көпчүлүк сатып алууларды зарылчылыктан эмес, каалоодон улам жасашат. Айрымдарын арзандатуулар менен коротууга үндөшсө, башкалары бирөөгө таасир калтыргысы келет. Бирок, муну жасоо акылдуулукка жатпайт.

Ар бир мүмкүн болгон сатып алууларды анализдеңиз. Сатып алуунун алдында өзүңүзгө суроо бериңиз: бул нерсе чын эле керекпи? Чыгымдарды талдоо адаты - туруктуу каржылык келечекке карай алгачкы кадам.

• Сатып алууну бир нече жумага калтырыңыз

Кээде жаңы нерсе кадимки жашоону өзгөртүп жибергендей сезилет: велосипед велосипед тебүүгө, ноутбук өзүңдүн китебиң менен иштөөгө мажбурлайт, кофе машинасы күндө эртең менен даамдуу кофе берет.

Бирок, сизде буга чейин өзүңүз минбеген велосипед болсо, жаңысын дагы минбейсиз. Эгерде сиз эски ноутбукта китеп жаза баштабасаңыз, анда жаңысы иштөөгө түрткү болбойт. Эгер сиз азыр эртең менен кофе ичпесеңиз, кеп жаңы кофе чыгаруучу машинада эмес болушу мүмкүн. Реалдуу көз карашта болуңуз: Эгер сиз азыр бир нерсе жасабасаңыз, анда жаңы нерсе сизди иш-аракетке түртүшү күмөн. Ал колдонулбай калышы деле ыктымал.

Ниетиңизде бекем экениңизди текшерүү үчүн, сатып алууну бир нече жумага жылдырсаңыз болот. Эгер ушул убакыт аралыгында сиз оюңуздан кайтпасаңыз, анда сатып алуу жумшалган акчага арзыйт. Эгер ушул убакытта сиз сатып алууну чечпесеңиз же ал жөнүндө унутуп калсаңыз, эми сизге анын кереги жок.

Бирок, ашыкча болбоңуз жана өзүңүздү керектүү нерселерден ажыратпаңыз, байпагыңыз жыртылса, жаңысын сатып алууну кийинкиге калтырбаңыз. Баасы бир нече миңден башталган ири сатып алууларды кийинкиге жылдырууга туура келет.

• Автоматтык түрдө коротулган акчалардын так эсебин жүргүзүү

Үнөмдөө - бактылуу келечектин ачкычы. Аларды бир нече бөлүккө бөлсө болот: инвестициялык эсеп, сактык эсеби, ири сатып алуулар үчүн үнөмдөө. Автоматтык түрдө коротулган акчанын эсебин жүргүзүп  караңыз.

Көп чыгымдар адаттардан көз каранды. Дүйшөмбү күнү айлыгыңызды алып, түз эле дүкөнгө барсаңыз, анда бир нерсе сатып алууңуз ыктымал. Тогузунчу бут кийим же он жетинчи свитер болсо дагы.

Бирок эмгек акы күнү сиздин кирешеңиздин бир бөлүгү автоматтык түрдө сактык эсебине салынсаңыз эң туура чечим чыгарган болосуз.

• Чыгымдарды кыйналбай кыскартуунун жолдорун изде

Адам өмүрүнүн көпчүлүк бөлүгүн мүмкүн болушунча көбүрөөк акча табууга, андан кийин көп нерселерди колдонууга аракет кылат, бирок көпчүлүгүн колдонбойт. Убакыттын өтүшү менен, маанисиз сатып алуулар сырткы стресстен алыстатууга жардам бере баштагандай сезилет: кеңсеге күнүмдүк сапарлардан чарчоо, тажатма жумуш жана тажатма башчы. Бирок ал иштебейт. Эгер сиз жашоодон же иштен ырахат албасаңыз, анда бир нерсени өзгөртүүгө убакыт келди.

Алгач, ашыкча чыгымдарды азайтып көрүңүз.Бир айда канча жана эмне сарптай тургандыгыңызды аныктаңыз. Кайда жана кандай өнүмдөрдү сатып алганыңызды, кандай кызматтарга жазылдыңыз, кандай кийим жана бут кийим кийип жүргөнүңүздү, кафеде канча жолу тамактанганыңызды талдап көрүңүз. Бардык коротуулар маанилүүбү тактаңыз.

Кээ бир чыгымдарды кыскартып, сиз акча эмес, жыргалчылык үчүн иштей аласыз.