Кыргызстандык спортчу Айсулуу Тыныбекова кыз-келиндер күрөшү боюнча Дүйнө кубогунун финалына чыкты.
62 кг салмакта катышып жаткан Тыныбекова мелдештин жарым чейрек финалында румыниялык Криста Инцени 10:0 эсебинде жеңип алган. Ал эми чейрек финалда балбан кыз Түркиялык Жансу Аксой менен күрөшүп, аны да 10:0 эсебинде утуп алды.
Жарым финалда Тыныбекова россиялык Любовь Овчарова менен кармашып, 13:2 эсебинде жеңишти камсыздады. Эми финалдык беттешүүдө мекендешибиз латвиялык Анастасия Григорьева менен алтын үчүн күрөшөт.
Google Play
App Store