Бишкекте бүгүн Кыргыз Республикасынын эл артисти Жамал Сейдакматованы акыркы сапарга узатуу зыйнаты өттү.
Абдылас Малдыбаев атындагы Улуттук опера жана балет театрынын алдына уюштурулган коштошуу иш-чарасына расмий бийлик өкүлдөрү жана чыгармачыл интеллигенция, маркумдун жакындары катышты. Кыргыз театр жана кино искусствосунун улуу таланты, Токтогул атындагы мамлекеттик сыйлыктын лауреаты Жамал Сейдакматова 16-февралда 82 жаш курагында көз жумду.
Сейдакматова «Кыргыз керемети» деп аталган кыргыз кинолорунда бир катар ролдорду чоң чеберчилик менен аткарып, кыргыз кино жаатын өнүктүрүүгө өзгөчө салым кошкон. 1989-жылы Кыргызстандын тарыхында биринчи жолу жеке менчик «Туңгуч» театрын ачкан. 2016-жылы Лондондо эл аралык театр фестивалында ага «Дүйнөлүк театр искусствосунун улуу актрисасы» наамы ыйгарылган. III жана II даражадагы «Манас» ордени, ТҮРКСОЙ эл аралык уюмунун Алтын медалын алган. Маркумдун сөөгү "Ала-Арча" көрүстөнүнө коюлду.
Google Play
App Store