Дзюдо боюнча Азия чемпионатына даярдык көрүүнүн алкагында көчмө жыйын болуп өттү. Бул тууралуу Жаштар иштери, дене тарбия жана спорт боюнча мамлекеттик агенттиги билдирди.
Маалыматка ылайык, 17-март күнү, Жаштар иштери, дене тарбия жана спорт боюнча мамлекеттик агенттиктин директорунун орун басары Канатбек Арпачиев дзюдо боюнча Азия жана Океания чемпионатына даярдык көрүүнүн алкагында көчмө жыйын өткөрдү.
Иш-чарага Спорттун олимпиадалык түрлөрү боюнча дирекциясынын директору Жоомарт Шамканов, Кыргыз Республикасынын дзюдо федерациясынын президенти Жолдошбек Колбаев, «Газпром – балдарга» дене тарбия-ден соолукту чыңдоо комплексинин директору Ишенбек Дуйшеев катышты.
Жыйындын катышуучулары чемпиоантты өткөрүү учурунда комплексте коопсуздук чараларын камсыз кылуу жана санитардык-эпидемиологиялык талаптарды аткаруу боюнча уюштуруу маселелерин талкуулашты.
Белгилей кетсек, дзюдо боюнча Азия жана Океания чемпионаты 2021-жылдын 6-апрелинен 9-апрелине чейин Бишкек шаарында өтөт.
Google Play
App Store