Парламент Президенттин Жогорку соттун төрайымын кызматынан бошотуу тууралуу сунушун колдоду. Гүлбара Калиеваны кызматынан убактылуу бошотуу тууралуу сунушту бүгүн, 31-мартта парламентке Президенттин Жогорку Кеңештеги өкүлү Анарбек Калматов жеткирген.
Сунушту 61 депутат колдоп берди, 4 депутат каршы болду. Соттор кеңешинин Тартип комиссиясы 4-мартта Калиеваны кылмыш жообуна тартууга уруксат берген. Башкы прокурор Курманкул Зулушев Гүлбара Калиеваны "Жергиликтүү сот" долбоору боюнча коррупциялык ишке шектүү катары жоопко тартууга уруксат сурап, Тартип комиссиясына былтыр декабрда кайрылган.
Google Play
App Store