Кыргызстандык балбандар күрөштүн түрлөрү боюнча Казакстанда өтчү Азия чемпионатына жана Азия аймагындагы лицензиялык турнирге катышат. Бул тууралуу Жаштар иштери, дене тарбия жана спорт боюнча агенттик билдирди.
Олимпиада оюндарына лицензия бере турган турнир 8-17-апрель күндөрү Алматы шаарында өтөт. Ага грек-рим күрөшүнөн Жоламан Шаршенбеков, Акжол Махмудов, Үзүр Жусупбеков, эркин күрөштөн Эрназар Акматалиев, Эламан Догдурбек уулу, Улукбек Жолдошбеков жана башкалар катышат. Ал эми кыздардан Айпери Медет кызы, Мээрим Жуманазарова, Назира Марсбек кызы күч сынашат.
Азия чемпионаты болсо 13-18-апрель күндөрү болот. Мелдешке эркин күрөштөн Алмаз Сманбеков, Алибек Осмонов, Айаал Лазарев, грек-рим күрөшүнөн Урмат Аматов, Руслан Царев, Кайрат Түгөлбаев, Амантур Исмаилов, Атабек Азисбеков, Мурат Рамонов жана башкалар катышат. Кыздардан Айсулуу Тыныбекова менен Нураида Анаркулова дагы мелдешке катышып, атаандаштары менен күч сынашат.
Google Play
App Store