Бишкек шаарында окуу процесси мурунку тартипте уланат. Бул тууралуу Бишкек шаардык билим берүү башкармалыгынын жетекчиси Элмира Иманалиева билдирди. 

Айтымында, мектептин 6, 7, 8-класстарынын окуучулары гана онлайн окушат. Калгандары салттуу түрдө билим алышат. 11-апрелдеги шайлоого карата 14 бала бакчада шайлоо тилкеси түзүлгөн. Буга байланыштуу бала бакчалар 14-апрелге чейин жабылат. 

Ошондой эле мектептерде дагы окуу 14-апрелде башталат. Эгерде мектеп окуучусунан коронавирус катталса, анда ал окуган класс онлайн режимине өтөт. Кошумчалай кетсек, Бишкек шаары боюнча 11 мугалим жана 22 окуучудан коронавирус табылган.