Бишкек шаар башкармалыгы жол кирени көтөрүүгө байланыштуу маселени коомдук талкууга койду. Бул тууралуу мэриянын басма сөз кызматы кабарлады. Жол акыны көтөрүүгө байланыштуу үч вариант иштелип чыкты.

Биринчиси - азыркы бааны калтыруу, экинчиси - автобус, троллейбус сыяктуу муниципиалдык транспортто жүрүүнүн наркын 11 сом, маршруттук унаалардын жол акысын 15 сомго көтөрүү, үчүнчү вариант - автобуста 15, троллейбуста 11, маршруттук унааларга 19 сом төлөө сунушталууда.

Жол кире акыркы жолу 2012-жылдын 1-майында көтөрүлгөн. 2021-жылдын январь айында Бишкектеги маршруттук таксилердин айдоочулары тарифти көтөрүү талабы менен акцияга чыккан. Алар талап аткарылбаса, иш таштай турганын билдиришкен.