Алай районунун Талды-Суу айылында жашап жаткан этникалык кыргыздарга паспорт берилди. Жарандык документти өкмөттүн Ош облусундагы өкүлү тапшырды. Паспорт 44 жаранга берилди.
Аталган райондо Кичи жана Чоң Памирден көчүп келген 17 үй-бүлө жашап жатат. Булар үчүн былтыр өкмөт тарабынан 11 турак үй курулуп, берилген.
Буга чейин мамлекет башчысы барып, алардын жашоо шарты менен жакындан таанышып , азык-түлүк жардамын берген. Жергиликтүү бийликке Памирде калган кыргыз боордоштордун баарын көчүрүп келүү боюнча жер тилкесин ажыратуу тапшырмасы берилген. Ошондой эле, мектеп окуучулары үчүн балдар аянтчасын куруп берүү өтүнүчү айтылган.
Google Play
App Store