Бишкек шаарында кыргыз-тажик чек арасындагы кырдаал боюнча маалыматтарды координациялаган Медиа штаб түзүлдү. Ал Президенттин Аппараты тарабынан жетекчиликке алынып, күнү-түнү 24 саат бою маалымат менен камсыздайт. 

Медиа штабтын негизги максаты – ЖМКларды, коомчулукту жана дүйнөлүк коомчулукту такталган, бирдиктүү, ыкчам маалыматтар менен камсыздоо. 

Керектүү маалыматтарды алуу үчүн мамлекеттик жооптуу органдардын өкүлдөрү тартылган медиа-штабга кайрылуу мүмкүнчүлүгү бар. 

Медиа штабдын базасында журналисттердин, эксперттердин жана блогерлердин иши үчүн шарттар түзүлдү. Анда мамлекеттик органдардын өкүлдөрүнүн жана эксперттердин катышуусундагы маалымат жыйындары, брифингдер өткөрүлүп турат.