9-майга карата Баткен облусунун аймагында, мамлекеттик чек аранын кыргыз-тажик тилкесинде абал туруктуу. Түндө ок атышуулар менен башка окуялар катталган жок. Бул тууралуу Ички иштер министрлигинен кабарлады.
Министрдин биринчи орун басары Сүйүн Өмүрзаковдун айтымында, тергөө, иликтөө топтору кыргыз-тажик тилкесиндеги окуяда жабыркаган үйлөрдү, имараттарды, мүлктөрдү жана буюм-тайымдарды кароону аяктады.
Бирок келтирилген чыгымдардын так санын жана суммасын тактоодо кыйынчылыктар жаралууда. Аны толук тактоо иш -чаралары үзгүлтүксүз жүрүп жатат. Андан сырткары, милиция кызматкерлери жергиликтүү бийлик органдары менен биргеликте калк арасында түшүндүрүү иштерин тынымсыз жүргүзүүдө.
Google Play
App Store