Кыргызстан менен Россиянын ортосундагы аба каттамдардын санын көбөйтүү маселеси талкууланды. Бул тууралуу Кыргызстандын Россиядагы элчиси Гүлнара-Клара Самат Россиянын Транспорт министрлигинин Федералдык аба транспорту агенттигинин жетекчиси Александр Нерадько менен жолугушуусунда белгилүү болду.
Элчиликтин маалыматына ылайык, жолугушууда тараптар эки өлкөнүн ортосундагы туруктуу каттамдарды көбөйтүү жана Кыргызстандагы санитардык-эпидемиологиялык кырдаалды турукташтырууну талкуулашты.
Мындан тышкары, мамлекеттердин ортосундагы чартердик каттамдардын жүгүртмөсү, Кыргызстандын "COVID-19суз саякаттоо" мобилдик тиркемеси, маалымат алмашуу жана Кыргызстандан Россиянын шаарларына учуу багытын кеңейтүү маселелери каралды.
Google Play
App Store