Өлкөдө шайлоону партиялык жана бир мандаттуу тандоо аркылуу өткөрүү тартиби бүгүн коомдук талкууга алынды. Анда Борбордук шайлоо комиссиясынын өкүлдөрү, Жогорку Кеңештин депутаттары жана эл аралык серепчилерден турган өкүлдөр катышып, шайлоочуларга ыңгайлуу жолду тандоо боюнча пикир алышты. 

БШКнын өкүлдөрү буга чейинки басып өткөн саясий жолдо партиялык тандоо кандай жыйынтык бергенин айтып, аны аралаш тандоо менен бириктирип, орток ыкманы белгилөөнү сунуштады. Ал эми серепчилер эски шайлоолорго болгон нааразылыктар дал ушул шайлоо тартиби ойдогудай болбогондуктан, бийлик алмашууга алып келгенин кошумчалады. Эми жаңы мыйзам боюнча орток пикир кабыл алынгандан кийин беренелерге өзгөртүүлөр жана толуктоолор киргизилет.