Казакстандын Орол шаарында башына ок тийген аскер кызматкери каза болду.
Маркум жоокер кызмат өтөп жаткан №5517 аскердик бөлүктүн командиринин орун басары Жанибек Сарсенов окуя 16-июнь күнү эртең менен болгонун билдирди. Анын айтымында, аскер кызматкери түзөтүү абагындагы нөөмөттө турганда өзүн-өзү башка атып жиберген.
«Тез жардам кызматы менен ооруканага жеткирилди, бирок өмүрүн сактап калууга мүмкүн болгон жок. Азыр тергөө иштери жүрүп жатат, кеңири маалымат кийинчерээк берилет», — деди Сарсенов.
Жергиликтүү басылмалардын маалыматына караганда, маркум жоокер армияга Актөбө шаарынан чакырылган.
Май айында Жамбыл облусундагы №82796 аскердик бөлүгүндө кызмат өтөп жаткан катардагы жоокер казарманын төртүнчү кабатынан секирип мерт болгон.
Былтыр март айында Алматы облусунда 19 жаштагы аскер кызматкери каза болгон. Ал Капшагай шаарындагы №65476 аскер бөлүгүндөгү
мунарадан секирип кеткен.
Google Play
App Store