Премьер-министр Сооронбай Жээнбеков Япония Өкмөтүнүн JDS долбоорунун стипендиаттары менен жолугушту. Белгилей кетсек, Кыргызстандын мамлекеттик жана муниципалдык кызматкерлери 10-ирет Японияга окууга кетип жатат. Долбоор өлкөдө 2006-жылдан бери ишке ашырылып келүүдө.
Эске салсак, Кыргызстандын Мамлекеттик кадр кызматы Япониянын эл аралык кызматташтык борбору менен бирге кадрларды даярдоо үчүн стипендияларды берүү долбоорун 2006-жылдан бери ишке ашырып келүүдө. Долбоорунун максаты–Кыргыз Республикасынын мамлекеттик жана муниципалдык кызматчыларына Япониянын университеттеринде Магистрдин даражасын алууга мүмкүнчүлүк берүү. JDS долбоорунун негизги шарты – окуу аяктагандан кийин мамлекеттик жана муниципалдык кызмат системасында кеминде үч жыл иштеп берүү. Долбоор 2 жылдык мамлекеттик жана муниципалдык стажы бар 40 жашка чейинки кызматкерлерге багытталган.
Google Play
App Store