КТРКнын Республикалык Радиотелеборборунун айдоочусу Туратбек Дөөлөтбаев узакка созулган оорудан улам көз жумду.
Дөөлөтбаев Туратбек Мусурманкулович 1967-жылы 28-январда Фрунзе шаарында төрөлгөн. Орто билим алып, Советтик Армиянын катарында кызмат өтөгөн. 1997-жылы Чернобыль кырсыгын (Украинадагы Припять шаарына жакын жайгашкан АЭСтин 4-энергия блогунда болгон техникалык авария) жоюуга катышкан.
1995-жылдан тартып Кыргыз Республикасынын Республикалык радио теле борборуна 2-класстагы айдоочулук кызматка алынып, өмүрүнүн акырына чейин эмгектенди. Анын корпорациянын өнүгүшүнө кошкон салымы эске алынып 2003-жылы алкыш жарыяланган, 2018-жылы КТРК отличниги наамы ыйгарылган.
Артында 1 уул, 1 кызы калды.
КТРК, РРТБ жамааты Туратбек Мусурманкуловичтин жакындарынын аза-кайгысын тең бөлүшүп, терең кайгыруу менен көңүл айтат.
Google Play
App Store