Жаза аткаруу мамлекеттик кызматынын кызматкерлерине жаңы жылда 45 батирлүү үйдүн ачкычы тапшырылат. Бүгүн дал ушул көп кабаттуу үйдүн пайдубалына капсула салынды. Түрмө кайтарган кызматкерлерге мамлекет тарабынан биринчи жолу турак-жай курулганы жатат.
Бул желбиреген байрак түрмө кайтарган бөлүктүн туусу. Кесиптик күнү союз убагынан калган эски күжүрмөн байрак жаңыртылды. Шаан-шөкөт коштогон иш-чарада коргоо кеңешинин катчысы Темир Жумакадыров соңку кезде күч түзүмүнө көп көңүл бурулуп жатканын белгиледи.
Абакта жаткан адамдар өндүргөн азык-түлүктөр менен буюмдардын түрлөрү көргөзмөгө коюлган. Өлкөдөгү күч түзүмдөрүндө керектелчү эмеректердин көбү түрмөлөрдөн даярдалат. Эгер кааласа жай тургундар да кайрылса болот.
Жалпы 270 батирден турган 5 үй курулат. Ал эми бүгүнкү капсула салынган үй жыл этегине чейин салынып колдонууга берилет.
Google Play
App Store