Учурда дубандарга кыш мезгилине камылгалар кызуу жүрүп жатат. Талас шаарында учурда от казандар оңдолуп, эртелеп даярдыктар көрүлүп жатат. Ошондой эле от казанга уланган түтүктөрдүн абалдары текшерилүүдө.
Азыр шаардагы 6 отказан жайгашкан жерлерде иш кызуу. Жумушчулар отказандарды тазалап, андан кетчү түтүктөрдүн абалын сыноодон өткөрүүгө даярдап жатышат. Былтыр Талас шаарында 2 жаңы отказан курулган болсо, быйыл жаңы отказан курулуп жатат. Себеби шаардын "59-квартал" аймагына жаңы көп кабаттуу үй салынууда.
Белгилей кетсек, Талас шаарындагы жылуулук берүү мекемеси 44 көп кабаттуу үйгө, 1 мектеп, 1 орто окуу жай жана дарыкана, соода жайларга жылуулук берет. Шаардыктардын ишканага карызы учурда 6 млн сом болсо, мекеме уюмдардыкы 1 млн 500 миң, бюджеттик мекемелердики 133 миң сомду түзөт. Антсе да мындай шартка карабай мекемеге караган турак жайлар жылуулуксуз калбайт дешет ишкана кызматкерлери.
Google Play
App Store