Кыргыз коомчулугу Ооган согушунун ардагерлер кеңешинин жетекчиси, Жогорку Кеңештин 5-чакырылышынын депутаты Нурлан Төрөбеков менен коштошту.
Маркумду акыркы сапарга узатуу зыйнатына кесиптештери, туугандары, жоро-жолдоштору жана коңшу өлкөлөрдөн келген санаалаштары менен Казакстандын Ооган согушунун ардагерлер кеңешинин төрагасы Бакытжан Эртаев катышты.
Калың журтка Ооган согушунун ардагерлер кеңешинин төрагасы катары таанымал болгон Нурлан Төрөбеков,2010-жылы “Ар-Намыс” партиясынан депутат болгон.
Эске сала кетсек Төрөбеков 25-август күнү узакка созулган оорудан кийин 48 жашында каза болду. Маркумдун артында 5 баласы калды. Анын сөөгү Чоң-Арык айылына коюлду.
Google Play
App Store