"Чоң жыйырмага" (G20) кирген өлкөлөрдүн лидерлери ири корпорацияларга кирешесинен 15% кем эмес салык салуу тууралуу эл аралык макулдашууну жактырышты.
"Би-Би-Си" радиосу белгилегендей, мындай жол менен "Чоң жыйырма" өлкөлөрү трансулуттук компанияларды кирешесин офшорлорго жашыртпастан, көбүрөөк салык төлөтүүгө жетишүүгө ниеттенип жатышат.
Алгачкылардан болуп АКШ сунуштаган бул жаңы салык 2023-жылга карата күчүнө кирет деп күтүлүүдө.
АКШнын каржы министри Жанет Йеллен кол коюлган келишимди дүйнө экономикасы үчүн тарыхый деп атады. "АКШдагы ири компаниялар көбүрөөк салык төлөөгө аргасыз болгонуна карабастан, жалпысынан америкалык ишканалар менен катардагы жумушчулар утушка ээ болушат", — деди ал.
Бүгүнкү күндө "Чоң жыйырма" өлкөлөрүнүн ички дүң өнүмү жалпы дүйнөнүн ички дүң өнүмүнүн 80% жакынын түзөт.
Google Play
App Store