Мураталы Күрөңкеев атындагы музыкалык окуу жайдын студенти Сабина Ибраимова Эл аралык Москва Романсиадасында 3-орунга ээ болду.
Акыркы репетициялар, гала-концертке саналуу мүнөттөр калды, мекендешибиз Сабина сахнадагы гримине акыркы боёкторун берип жатат. Ал башка катышуучулардан үнү менен гана эмес, образы менен да айырмаланып турат. Сабина Мураталы Күрөңкеев атындагы музыкалык окуу жайдын акыркы курсунун студенти. Ал классиканы ырдаганды үйрөнүп келген, Бишкекте өткөн Орто Азия Романсиадасынын катышуучуларын угуп, бул жанрга ашык болуп калган.
Алгачкы эки айлампанын жыйынтыгы боюнча стилдүү, үндүү Сабина Ибраимова үчүнчү орунду ээледи. Гала-концертте ал "Ак түн" лирикалык чыгармасын аткарды.
Google Play
App Store