Президент Садыр Жапаровдун чет мамлекеттерге болгон иш сапарларынын алкагында бизнес өкүлдөрүнүн катышуусу менен экономикалык форумдар өтүп, кыргыз-венгер, кыргыз-өзбек өнүктүрүү фонддору түзүлдү. Алдыда дагы башка республикалар менен ушундай эле каржы мекемелерин ачуу маселелери каралып жатат.
Пандемиядан жабыркаган ишкерликти жандантууга бардык аракеттер көрүлүүдө. Мисалы, кепилдик фонд 2 млрд сомго кошумча капиталдаштырылып, ишкерлерге 3 млн сомго чейин күрөөсүз насыя алууга мүмкүнчүлүк түзүлдү. Аталган мекеме 10 пайыздык чен менен насыяларды банктар аркылуу берип келди.
Уставдык капиталы 72 млн сом менен башталып, азыр 6 жарым млрд сомдон ашкан фонд өзгөчө айыл чарба, курулуш материалдарын чыгарган ишканаларга жардам берди. Быйыл фонд кепилдикти эки эсе көбөйтүүнү пландап жатат.
Google Play
App Store