Бишкектин кайра шайлоо өтчү бир мандаттуу №27 Биринчи май жана №29 Свердлов округдарынан депутаттыкка талапкер болуу үчүн Борбордук шайлоо комиссиясына арыз тапшыргандардын саны 60ка жетти.
Алардын бардыгы өзүн-өзү көрсөтүшкөн. БШК алардын 18ин талапкер кылып каттады. Расмий катталгандардын аты-жөнү Боршайкомдун расмий сайтына жарыяланды. Соңку күндөрү арыз тапшыргандардын арасында Жогорку Кеңештин учурдагы депутаты Исхак Масалиев, саясат таануучу Табылды Акеров, экс-депутат Евгения Строкова жана башкалар бар.
Боршайком 27-февралга дайындалган кайра шайлоого талапкерлерди көрсөтүү жөнүндө арыздарды кабыл алуу бүгүн, саат 18.00дө аяктаарын эскертти. Бул эки округда 2020-жылдын 28-ноябрындагы шайлоодо “баарына каршы” деген добуштар көп болгондуктан быйыл 27-февралга кайра шайлоо дайындалган.
Google Play
App Store