Кыргызстанда бир суткада 5 өрт кырсыгы катталып, 8 бөлүм тартылган. Бул тууралуу Өзгөчө кырдаалдар министрлигинин басма сөз кызматы билдирет.
Маалыматкка ылайык, анын ичинен Бишкек шаарында 1, Ош облусунда 1, Жалал-Абад облусунда 1, Нарын облусунда 1, Чүй облусунда 1 өрт кырсыгы катталып, аларды өчүрүүгө 8 өрт өчурүү бөлүмү тартылган.
Алсак, Ноокен районунун Чек айылында эс алуучу жайда жалпы аянты 235 чарчы метр дүкөн жана ашкана, 6 муздаткыч, 2 кондиционер, 2 духовка күйгөн. Өрттү өчүрүүгө кошумча "Кыргызнефтьгаз" ААКдан 1 өрт өчүрүүчү унаа тартылган. Өрттүн келип чыгуу себеби такталууда.
Ак-Талаа районунун Кайыңды-Булак айылында турак үйдүн 56 чарчы метр шыбы жана үй тиричилик буюмдары күйгөн. Өрттүн себеби: электр зымдарынын кыска чыңалуусу.
Google Play
App Store