Ош шаарында 21-23-май күндөрү алыш күрөшү боюнча Азия чемпионаты өтөт. Бул тууралуу Дене тарбия жана спорт департаментинен билдиришти.
Мелдеш Сүйүмбаев атындагы стадиондо өтүп, ага 14 өлкөдөн: Афганистан, Индия, Индонезия, Иран, Кыргызстан, Казакстан, Түштүк Корея, Монголия, Пакистан, Тажикстан, Түркмөнстан, Өзбекстан, Филиппин жана Япониядан жалпы 300 спортчу катышат.
Чемпионатта 18 жаш жана андан жогору курактагы эркектер, кыз-келиндер арасында 24 комплект медаль ойнотулат.
Чемпионаттын жыйынтыгы менен Түркияда өтө турган Дүйнөлүк көчмөндөр оюндарына тандоо жүрөт.
Google Play
App Store