Президент Садыр Жапаров борбордук Дөлөн Өмүрзаков атындагы стадионунда өткөн Кыргызстандын улуттук курама командасы менен Сингапурдун курамасынын футболдук беттешине барды. 

Беттеш Азия кубогу-2023 тандоо этабынын алкагында өттү. Кыргызстандын футбол боюнча курама командасы Сингапур курама командасын 2:1 эсебинде жеңип алды. 

Беттештин 1-таймы 0:0 эсебинде тең чыгуу менен аяктаган. 55-мүнөттө Сингапур оюнчусу Ю Янг Сонг эсепти ачты. 77-мүнөттө Сингапур оюнчусу Кыргызстандын жарым коргоочусу Виктор Майерге карата эреже бузуп, калыс пенальти белгиледи. Валерий Кичин топту дарбазага таамай тээп, эсепти теңеди. 80-мүнөттө Виктор Майер Сингапурга 2-голду киргизди.