Кыргыз телерадиоберүүлөр корпорациясынын башкы директору Кайрат Иманалиев Чыңгыз Айтматов атындагы медалдын ээси болду. Жазуучунун атындагы Ысык-Көл форумунун катчысы Ассоль Молдокматованын айтуусунда, сыйлык талыкпаган зор эмгеги үчүн суктанууга жана урматтоого татыктуу инсандарга ыйгарылды.
Медалды тапшыруу аземи Абдылас Малдыбаев атындагы Кыргыз улуттук опера жана балет театрында өттү. Сыйлыктар маданият, билим берүү, илим, адабият жана искусство тармагындагы, улуттардын маданиятын жакындаштырып, өз ара байытууда, тынчтыкты жана достукту чыңдоодо, өнүктүрүүдө жетишкен ийгиликтер үчүн тапшырылды. Сыйлыкты Маданият, маалымат спорт жана жаштар саясаты министри Азамат Жаманкулов, жазуучунун карындашы Роза Айтматова, баласы Аскар Айтматов тапшырды.
Google Play
App Store