Жогорку Кеңештин Төрагасы Нурланбек Шакиев Самарканд шаарында өтүп жаткан Көз карандысыз мамлекеттер шериктештигине мүчө өлкөлөрдүн Парламенттер аралык Ассамблеясынын Кеңешинин отурумуна катышты. 

Иш-чараны КМШ ПААнын Кеңешинин Төрайымы Валентина Матвиенко ачып жатып, Нурланбек Шакиевди Жогорку Кеңештин Төрагасы болуп шайланышы менен куттуктады. 

Төрага Ассамблеянын алкагында жасалчу иштерге токтолуп, коопсуздук жаатында өз ара пайдалуу өнөктөштүктү бекемдөө менен көп тараптуу алаканы улантуусу кажет экенин айтты. 

Ошондой эле отурумда 54-пленардык жыйындын күн тартибиндеги маселелер талкууланды. Тагыраагы, Казакстандын КМШдагы төрагалыгы боюнча маалымат берилип, Туруктуу комиссиялардын ишмердүүлүгү жана алардын төрагаларын бекитүү маселеси каралды. 

Жасалган иштердин жыйынтыгы чыгарылып, КМШга мүчө-мамлекеттердин Парламенттер аралык ассамблеясынын 2023-жылга карата иш планы аныкталды. Аталган маселени талкуулоо маалында КМШга төрагалык кылуу милдети Кыргызстанга өтөөрү айтылды.