Жөө жүргүнчүлөрдүн жана айдоочулардын коопсуздугу үчүн Бишкектин жети көчөсүнө жаңы жол чырак орнотулат. Бул тууралуу мэриядан билдирди.
Шаардын Транспорт жана жол-транспорттук инфратүзүмдү өнүктүрүү департаменти тендер өткөрүп, натыйжада Лев Толстой — Мухтар Ауэзов, Профсоюзная — Бородино, Ахунбаев — Тыныстанов (үн коштоочу аппараты менен), Шералиев — Күйүкова, Салиева — Буденный, Манас — Көкчөтай, Сухэ-Батор — 7-апрель көчөлөрүнүн кесилишине жол чырактар коюлат.
Жол чырактар ноябрь айынын аягына чейин ишке берилет. Жыл аягына чейин дагы 11 светофор орнотуу пландалууда.
Google Play
App Store