Сузак районунун жер көчкү коркунучу бар аймакта жашаган тургундарына коопсуз жайдан жер берилди. Бул саамалык өкмөттүн токтомуна ылайык, Алмалуу-Булак айылынынын жашоочулары Кызыл-Туу айыл аймагынан 35 гектар жерге ээ болушту.
 

Ушул жылдын апрель айында, Алмалуу-Булак айылында катталган жер көчкү бир адамдын өмүрүн алып, 9 үй-бүлөнүн турак жайын толугу менен басып калган. Турак жайы көчкү алдында калгандардын катарында Жумакан Козуевада бар эле. 

Азыр ал бала-чакасы менен "Таштак" айылында туугандарынын үйүндө жашап келет. Жалгыз бой эненин айтымында, көптөн күткөн тилеги ишке алып, эми коопсуз жайдан жер берилип отурат.

Жумакан Козуева менен катар эле 8 сотка жерге ээ болгон Абдибали Табалдиев болсо, бөлүнүп берилген жер тилкесине үйүнүн пай дубалын быйыл эле тургузууну көздөп жатат.

Учурда өтө кооптуу жер көчкү коркуну бар аймакта делинген, 300 үй-бүлө жер тилке менен камсыз болду. Бирок муну менен маселе толук чечилген жок. Адистер белгилегендей дагы 70тин тегерегиндеги үй-бүлө өтө коопту жер көчкү жүрүүчү аймакта жашап жатат.

Элдик Репортер КТРК : кызыктуу окуяларга, маалыматтарга күбө болсоңуз (фото, видео) бизге жөнөтүңүз!
WhatsApp +996551748118
Элдик Репортер КТРК : присылайте нам ваши видео, фотографии, заметили что-то интересное- отправляйте нам!
WhatsApp +996551748118