28-ноябрга караган түнү Кытай менен Казакстанда жер титиреп, силкинүү Ош менен Таласта да сезилгенин ӨКМ Сейсмология институтуна таянып кабарлады.
Маалыматта саат 01:58де Кытайдын аймагында очогунда күчү 5,5 баллга, ал эми Казакстанда 4 баллга жеткен жер титирөө катталган. Кытайдагы силкинүү Ош облусундагы Алай районунун Эркеч-Там, Нура айылдарында 4,5 балл, Терек, Кан-Коргон айылдарында 4 балл, Көлдүк айылында 3 баллга чейин сезилген.
Ал эми түнү саат 02:34тө Казакстанда очогунда күчү 4 баллга жеткен жер титирөө Таластагы Кара-Буура районунун Кайнар, Көк-Сай айылдарында 3,5 баллга чейин сезилген. Кырсыктан жабыркагандар жана кыйроолор болгон эмес.
Google Play
App Store