Кыргызстанда сутка ичинде 12 өрт кырсыгы катталып, өрттү өчүрүүгө 14 бөлүм тартылган. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Бишкек шаарында 1, Чүй облусунда 3, Жалал-Абад облусунда 4, Баткен облусунда 1, Ысык-Көл облусунда 1, Нарын облусунда 1, Ош облусунда 1 өрт кырсыгы катталган.
Жалал-Абад облусунун Сузак районундагы Жерге-Тал айылында турак үйдүн бир бөлмөсүнүн 8 чарчы метр шыбы жана үй тиричилик буюмдары күйгөн. Өрттүн себеби такталууда.
Чүй облусундагы Аламүдүн районунун Мраморное айылында турак үйдүн от жагуучу бөлмөсүндө 2 чарчы метр мордун тегереги күйгөн. Өрт жылытуучу морлордун жана мештердин туура эмес түзүлүшүнөн келип чыккан.
Google Play
App Store